Menu
FBCI webside ih ra lengtu zaten Khrih hmin in lungawi soparten kan lo hmuak a si.
Pathian in lo thlawsuah hram seh.
Rev. Dr. Ci Lian Kap
Senior Pastor
We welcome all the FBCI website visitors in the name of our Lord Jesus Christ.
May God bless you.
Rev. Dr. Ci Lian Kap
Senior Pastor
Falam Baptist Church of Indiana (FBCI) hi a thok ahcun Indiana Burmese Christian Fellowship (IBCF) tiin October 21, 2001 ah Falam Phunsang tlawngta pawl ih rak thok a si. Rak din thok pek ahcun, hmun dangdang ih tlawngkai khawm an si ruangah, thlakhat veikhat tivek fang in inn khat hnu inn khat ah biakkhawmnak neih a rak si.
Kawhhran rak dintu le upa rak ṭuan hmaisabik pawl tla cu: Hotu: Pu Albert Kap, Sungṭuan: Pu Van Tuah Piang, Sumkil: Pi Israeli Piang, EC members: Pu San Hlei Thang, Pu Salai Aung Gyaw, Pu N Mang Lian le Pi Van Cer Par (Tleicia) pawl an si.
Pathian lamhruainak in 2003 ihsin Indianapolis ih Garfield Park Baptist Church ah, biakinn hmang in rak khawm thok a si. Khawm hmaisabik ni ah Rev Biak Kung in onnak a rak nei. Cutin Pastor neilo in kum 2,3 rak um hnuah, Rev. Thomas Thang Khen Mang in 2004 ihsin 2005 tiang Pastor a ṭuan. IBCF cun 2004 ihsin 2006 tiang Southern Baptist a rak zom. Anmah zomnak thawngin, Pastor hlawh khal pek a si ih, biakinn khal Greenwood ih Calvary Baptist Church pawl ih neihmi inn fate pakhat ah khawm a rak si.
January 8, 2006 in Rev. Ci Lian Kap cu Pastor ṭuan dingah Rev. Peter Lilian in apnak a nei. Kawhhran in lungawi man malte pekin a lengah hnaṭuan phah thawn Pastor a rak ṭuan. Cui kum ah “Bethel Church of Indiana” (BCI) tiah Kawhhran hmin thleng a si. Himi kum ihsin daan fumfe deuh in zohsal nak neih a si ih 501 C (3) neih a si. 2007 ihsin Community Church of Murphy’s Landing timi Mirang pawl biakinn ah khawmnak neih thok a si.
Pathian kilvennak in Thlarau le mipum khal a ṭhangso vivo ih January 2010 ah Falam Baptist Church of Indiana (FBCI) tiin mipi lungkimnak lakin Kawhhran hmin thlengsal a si. Cuisin thokin Rev. Ci Lian Kap khal fulltime in lak a si ih Rev. Dr. Hre Kio in thlacam apnak a nei. Daan hrampi le daan pawl khal zohfel le remṭhatsalnak neih a si. American Baptist Churches (ABC) thawn pehtlaihnak a tuah. CBANA thawn pehthlaihnak cu 2010 ah neih a si. Pathian lam hruainakin Octorber 2011 ah mahte biakinn (631 N Meridian St. Greenwood, IN 46143) nei thei a rak si.
FBCI cu thlarau le mipum a thangso vivo ih, Pathian lamhruainakin April 19, 2015 ah Rev. Nun Uk cu Associate Pastor ah Rev. Dr. Hre Kio, Rev. Sa Tin Lal le Rev. Dr. Biak Hlei Mang ih thlacam apnak thawn lak lutnak neih a si. Pathian lam hruainakin mipum karhin parking le biakkhawm nak tlem nawnlo ruangah biakinn thar nei thei dingah tumtahnak neih a si ih, inn hmun acre 12 leisuak asi. Biakinn sak thei ding tawlrel rero a si.
Pathian lamhruainak in biakinn sak ding tawlrel a si laiah atu ih kan biakinn, 3740 S Dearborn St. Indianapolis, IN 46237 cu $1,900,000.00 in lei remcang a si ruangah misenpi lungkimnak in November 8, 2018 ah lei suak a si ih December 16, 2018 ni ah lut a si Himi biakinn hmuan hi 29.5 acres a si. Tu (2019 kum) dinhmun ah Kawhhran kaihruaiawknak ah Deacon Upa hleiah Nubu, Mino, CED le E&M tiin department 4 neih beet a si ih, Calai & Nunphung, Music, Media, Building, Pulpit tiin sub-committee neih beet a si. Full-time hnatuantu khal neih beet a si ih atu dinhmun ah, Senior Pastor, Associate Pastor, Youth Pastor, CE Director, Office Manager le Church Keeper, tiin fulltime hnatuantu 6 neih a si. Tu ah mipum zaten 1700 lenglo kan si.
